Er una beç u lhobo, ancontrou una cochina que tenie us cochinicos, i chegou l lhobo a la borda d'eilhes i dixo que ls qrie comer, ila cochina dixo-le que nó, q' aguardara mais us dies.
   - Puis bie aca benerei.
   Fui par u arador, i dixo-le q' habie de come-las bacas.
   Depuis dixo l'arador:
   - Nó, q'indasta mui fracas. Deixaremo-las mais us dies.
   Apuis fui par una que staba nu cerrado angordar:
   - Ah! baca, que t'hei-de comer!
   - Agora nu me comas: deixa-m' mais us dies q'agora stou mui fraca.
   D' alhi a uito dies fui lhobo a come-la baca, i dixo lhobo:
   - Agora bou-t' a comer!
   - Puis come, come!
   Depuis prendiu lhobo uma cord' a la baca, i dixo-l la bac' a lhobo:
   - Mete la corda ne cachaço; agora quers qe t'ansine cumo faie las bacas ne brano, quando dá-la mosca?
   - Ansinai, ansinai. Tod' ye bie saber.
   I puis saltou la bac' a fugir cu lhobo a la ratra. Apuis cobrou-se la corda i fui lhobo pa la raposa, i dixo-le:
   - Si, si comadrica,

          Se la corda nu qebra
          I l nolo nu defata,
          You iba parar a casa
          Del donho de la baca